Parit cosa fata su guvernu grogu-birdi de is Steddaus cun is Leghistas. A pustis de airi serrau su programa e airi pregontau s’autorizatzioni a is eletoris propius, chini fendu votai cun internet (is Steddaus) e chini, invecias, ponendusì in is prassas (sa Lega).
Luisu Di Maio e Mateu Salvini imoi funt prontus a bessiri de su presidenti de sa Republica Sergiu Mattarella po ddi fairi sciri totu e po essiri autorizaus a incumentzai a fairi su Guvernu. Parit cosa fata finas su nomini de su presidenti de su Guvernu: leghistas e Steddaus ant agatau s’acordiu in su nomini de Giusepu Conte.
Conte, abogau e professori ordinariu in s’universidadi de Firenze, tenit cincuantun’annus e su nomini sû, in is cidas passadas, ddu iant giai fatu po ddu fairi diventai ministru de sa pubrica aministratzioni. Invecias imoi, parit, ca si possat setziri in sa cadira prus arta de Palazzo Chigi.
Laureau cun su massimu de is votus in Leis in sa Sapienza de Roma, in is annus noranta fut borsista a su Cnr, e dapoi at trabagliau in Yale, Vienna, Parigi, Cambridge e New York. A pustis at incumentzau a fairi su professori, innanti in Roma Tre, de segus a su Lumsa, in Malta e finas in Tatari.
Foto: roma.corriere.it
