Tremilla eurus a familia, po tres annus, po chini andat a biviri a Locana, una biddigedda pitica de su Canavese in Piemonti, in is terras de su Parcu Natzionali de su Gran Paradiso. Est custa sa pensada de s’aministratzioni comunali po cicai de andai contras a sa pagu genti chi abarrat. “Custu agiudu in dinari bolit nai ca boleus agiudai totu cussus locanesus cun figlius chi ant lassau, a dolu mannu, su monti e bolint torrai a biviri in bidda e iat a bolli favoressiri cussas familias noas chi iant bolli benni a biviri innoi”, ant nau de s’aministratzioni. Su dinari est de po dogna familia chi andendu a ddue biviri iscrit sonumancu unu figliu in sa scola materna, elementari o media de Locano. Su bonus comunali si lamat po custu “Totu a iscola in Locana”. Si donat croba finas a su Isee de is familias e si depit essiri residentis in Italia de sonumancu cinc’annus. Eus a biri chi podit essiri una meigina durci o marigosa che feli.
Foto: pngp.it
