At bintu Nicolas Maduro, ma ant bintu puru is numurus mannus de cussus chi non funt andaus a votai. Su numuru dus de Hugo Chavez po sa segunda bortas bessit a sa presidenza de su Venezuela. Votatzionis chi medas Stadus de s’America meridionali e stadus ocidentalis, prus che a totu cussus chi funt cumandaus de is Stadus unidus, non arreconoscint comenti liberas e chena cogliunai. A donnia manera Maduro at a cumandai po atrus cinca’annus su Venezuela.

In-d’una Caracas sbuida, comenti atras partis de su Stadu, funt andaus a votai feti su corantases po centu de is binti milonis chi ddu podiant fairi. A is urtimas eletzionis sa percentuali de cussus chi iant votau fut meda prus arta, s’otanta po centu. S’unicu chi podiat fairi pensai chi Maduro non ce ddi at airi fatu fut su candidau Henri Falcon, chavista de sa prima ora chi guidat unu partidu de ispiratzioni socialista. Falcon at pigau unu milioni e otugentu milas votus e is ominis chi tenit acanta ant denunciau a sa pubrica autoridadi prus de tregentucincuanta cosas chi non andant, ma nemus ddu pigat in su seriu.

 

 

 

 

Foto: indianexpress.com