Su Casteddu erribaiat de tres partidas perdias, s’Udinese erribaiat de otu partidas perdias, podiat essiri una bella partida? At bidu s’inferru sa scuadra sarda candu Lasagna at segnau, forsis serbiat unu ciafu che-i custu po ndi scidai is piciocus de Lopez ca finas a tandu pariant passillendu. Est erribau su gol de Pavoletti e de tandu sa scuadra friulana non at fatu prus nudda. Aberu pagu cosa est parta sa scuadra de Oddo, forsis cunvint uca finas unu paregiu podiat andai beni. In su segundu tempus de sa partida Cragno no at fatu una parada ma Bizzarri puru, su portieri de s’Udinese at trabagliau pagu aberu. Timiant a perdiri is scuadras, e si podiat finas cumprendiri, su Casteddu at tentu sa gana e sa fortuna de cicai de dda binciri candu a totus pariat giai finia cun su paregiu. Est erribau su gol de conca de Ceppitelli chi at postu is cosas a postu e at fatu torrai sa cuntentesa in si tifosus e in totu s’ambienti orrubiu-asulu.

Imoi sa classifica errit unu pagu de prus e fait a dda castiai cun atrus ogus, su Crotone torrat a essiri a cincu puntus e su Verona a seti.

 

 

 

Foto: gazzetta.it