Un’atra partida perdia de su Casteddu, custa borta a Milanu cun s’Inter de Spalletti. Pagu de nai e pagu de fairi, eriseru a noti contras de una de is scuadras prus fortis de su campionau chi est cichendu unu postu po sa Champions de s’annu chi benit. Is piciocus de Lopez ant cicau de si dda giogai ma sa partida dd’at fata totu s’Inter chi at agatau su gol inderetura cun Cancelo, su Casteddu pagu at possiu fairi.

Lopez at scioberau de fairi pasai unus cantus titolaris po ddus tenni friscus dominigu chi benit cun su Bologna. Cun sa scuadra de Donadoni est de seguru sa partida prus importanti de s’annu poita bincendudedda si podit nai ca su prus est fatu. Imoi tocat a biri eita ant a fairi custu merì is scuadras chi sighint de acanta su Casteddu. Verona e Sassuolo si dda giogant in domu de is grogus-asulus e Spal cun su Chievo in domu de is emilianus, su Crotone, invecias tenit sa partida prus dificili de totus: calat in Calabria sa juventus de Allegri.

Su Casteddu po preparai beni sa partida de dominigu si nd’est abarrau a s’allenai in Novara, po cicai trancuillidadi e cuncentratzioni.

 

 

Foto: it.sports.yahoo.com