Oi su presidenti de sa Repubblica Sergiu Mattarella incumentzat a atobiai is presidentis de su Senau, Maria Elisabetta Casellati, de sa Camera, Orrobertu Fico e finas Giorgio Napolitano po cicai de donai s’incarrigu po su guvernu nou.
Est passau unu mesi de is eletzionis e ancora seus aici, chena guvernu nou e non scieus eita at a fairi su presidenti e a chini at a donai s’onori de ddue provai. Ant a bessiri a chistionai cun Mattarella totu is capus de is partidus. In su mentris, in is oras passadas, Luisu Di Maio de is Steddaus e Mateu Salvini de sa Lega ant sighiu a arregodai cussu chi ant a fairi chistionendu de migrantis e de is relatzionis cun sa Russia.
In su primu merì ant a bessiri de Mattarella sa truma de “Per le Autonomie” de su Senau, cussus de sa Truma amesturada de Palatzu Madama e de sa Camera e is Fradis de Italia cun is presidentis de is trumas e Giorgia Meloni.
Giobia, invecias, su presidenti at a biri su Partidu Democratigu, Fortza Italia, sa Lega e is Cincu steddas.
Foto:hotelfree.it
