Po s’ora at bolau feti in is social. Ma su primu aereu est prontu: coloris nous e bolus chi giai si scint. Est morta Meridiana ma est torrada a biviri in custa cumpangia noa, a suta s’ala de Qatar Airways chi de sa sociedadi morta nd’at pigau su corantanoi po centu de is atzionis.

Su primu aereu chi at a bolai ddu ant acabau eriseru: fatu de nou in su stabilimentu Boering de Renton, pintau in Portland e, inderetura, amostau in is social network. Imoi mancant feti is trabaglius chi si depint fairi anintru de s’aereu e ant incumentzai is dîs chi ant a benni in Seattle. Ant a coidai, a donnia manera, poita su 15 de maiu su primu 737 Max 8 de AirItaly incumentzat a bolai. De Malpensa, in milanu, at a bolai po Terranoa, Catania, Palermu, Roma e Lametzia Terme.

Su primu bolidu in si celus italianus at essi acumpangiau de una festa manna, poita su progetu de trabagliu de Qatar Airways est cussu de fairi de AirItaly sa prima cumpangia aerea de s’Italia.

 

Foto: sardegnalive.net