Ant essi in prus de tremila, bestius in costumu sardu, a acumpangiai Sant’Efisiu, cras Primu de maiu, in sa processioni, de sa cresiedda chi s’agatat in Stampace finas a Nora. Trexentusessantaduas bortas, cun cras, chi si festat Efisiu, su santu chi in su 1652 iat sarvau Casteddu de sa pesta.

Est de una bona pariga de dîs chi funt incumentzadas totu is cosas de fairi poita tottu arrennesciat, comenti e sempiri, a sa matessi manera de is annus passaus: su 25 de arbili sa carrotza chi at a portai Efisiu in processioni est intrau in cresia, eriseru, dominigu 29, sa statua de su santu, in linna de su seixentus, dd’ant bestia is feminas de sa Cunfraria. Oi est s’ra de is prendas e de is ex-voto: de is degi de custu mengianu in sa cresia de Sant’Efis. Sa cresia, prena de froris orrubius, at abarrai oberta totu sa sî e totu sa noti, bigliada de totus cussus chi creint.

 

 

 

Foto:sardegnasotterranea.org