Bogau, a pustis sa partida perdia cun su Verona, su diretori sportivu Giuanni Rossi, Giulini non est abarrau meda pensendu e in pagu tempus su Casteddu tenit unu diretori sportivu nou: est Marcellu Carli, de cincuantacuatr’annus. Finas a s’annu passau at trabagliau po s’Empoli, de totus est bidu comenti cussu chi at scobertu Mauritziu Sarri, s’allenadori de su Napoli. Su Casteddu, is giogadoris e is allenadoris, funt trabagliendu in Assemini e de in cui non s’ant a moviri finas a sa partida de sabudu cun s’Udinese.
Nemus scit su poita Giulini c’apat bogau a Giuanni Rossi e imoi erriscat meda finas s’allenadori Diegu Lopez chi sabudu s’at a giogai su benidori sû in sa panchina sarda. Cun sa partida perdia dominigu passau sa sistuatzioni est diventada grai meda po totus, arriolat sa classifica aunia imoi is puntus de sa tertz’ultima funt dus e arriolat meda puru su giogu, chi est sparessiu totu paris.
Is tifosus funt inchietus meda e ant aspetau sa scuadra, chi fut torrendu de Verona, in s’aeroportu de Su Masu. Imoi tocat a non si spantai e a si giogai totu cun calma e trancuillidadi, in is partidas chi mancant tocat a ndi bogai sa barra chi atrs bortas est parta perdia.
Foto:gazzetta.it
