Duas dis a oi is minadoris de Olmedo funt calaus a suta de terra, in sa miniera de bauxite, e imoi sa truma de Fortza Italia, in Cunsigliu Regionali, pedit a bogi arta eita si depit fairi. Ddu iat giai nau Marcu Tedde, su consiglieri de su partidu de Berlusconi: “Cumprendeus ca sa Giunta Regionali est debili cun is fortis e fait sa forti cun is debilis”. Totu custu po is fueddus chi iat nau s’assessori regionali de s’Industria: “Chi is minadoris non dd’acabant ant a perdiri su trabagliu.
“Fueddus chi non andant e non benint, at scritu Marcu Tedde, giai in su mesi de Santu Aine s’assessori at amelessau is operaius chi funt in is gallerias nendu, tra is errigas, ca ce ddus bogat cun sa fortza. A pustis dus annus e mesu aunia de sa Giunta nos aspetiaus fueddus de solidariedadi po sa genti chi est gherrendu po non perdiri su postu de trabagliu, si ndi bessint cun cussus fueddus. In su fratempus tregi trabagliadoris funt aspetendu de andai a trabagliai in Igea, comenti impromintiu de meda tempus, cincu in su mesi de orgiolas no ant a tenni prus dinari de sa mobilidadi, ses in su mesi de Idas e atrus cuatru in su mesi de martzu de su2020”.
Foto: buongiornoalghero.it
