In su Partidu democratigu, tristu e miserinu, de su votu de dominigu passau e imoi finas postu suta pressioni de is Steddaus, po donai s’apogiu de foras a su guvernu aprontau de Di Maio, bessit a foras, po chistionai de benidori e de comenti tocat a si ndi pesai, su solu chi apat bintu: su guvernadori de su Lazio Nigola Zingaretti.
Narat ca est prontu a fairi sa parti sua comenti at sempiri fatu e de bolli essiri unu de is candidaus a is primarias de su partidu. “Ci bolit unu cungressu obertu e de totus, aunia si chistionit de su terzu articulu de sa Costitutzioni: s’oguagliantzia. Due ddu ap’essiri chena farta”. S’est insegus frimau a fueddai de sa vitoria sua in is regionalis: “Eus bintu poita, in su Lazio, teniaus unu progetu chi at arregoltu totu sa manca, finas Liberus e Ogualis, fendu torrai a partiri s’idea chi teniaus in s’Ulivo”.
Sa matessi idea chi Zingaretti iat bolli po su benidori in totu sa natzioni. “Non tocat a ddu fundai de nou ma tocat a ddu fairi torrai a biviri, ma non feti su Partidu democratigu ma totu sa manca”. Candu ddi pregontant eita ndi pensat de andai a guvernai cun is Steddaus, Zingaretti arrespundit seguru: “Dda pensu comenti de Renzi, depeus andai a s’opositzioni, dd’ant decidiu is esletoris. Chini at bintu depit cicai de guvernai
Foto: roma.corriere.it/
