Po dîs e dîs non si sciat comenti depiat andai: si narat una cosa e a pustis si ndi narat un’atra. Invecias, oi, is giorronalis e-i sa televisioni de sa Cina e de sa Corea de su Nord ant chistionau de su viagiu, unu pagu spantosu, de su capu coreanu Kim Jong-un in Cina, cumbidau de su presidenti Xi Jinping. Est s prima borta chi Jong-un bessit foras de domu sua po una bisita uficiali.

Sa Cina est de sempiri unu Stadu amigu de sa Corea de su Nord, ma in is urtimus tempus non si podit nai ca totu andat beni poita Pechino at nau ca giai po is santzionis de s’Onu a sa Corea po is problemas nuclearis e de missilis de Puyongyang.

Kim est abarrau in Cina po cuatru dîs. Su leader coreanu est erribau dominigu paris a sa pobidda Ri Sol-ju et est torrau a partiri oi. Sa televisioni cinesa at fatu biri is dus capus de Stadu in “s’aposentu Mannu de sa genti” aunia ant chistionau tra cussus.

Ant fueddau de chistionis internatziolanis comenti is atobius chi Kim at a tenni cun Mon Jae-in su presidenti de sa Corea de su Sud e cun Donald Trump su presidenti de is Stadus Unidus.

 

Foto: rt.com