Si funt atobiaus, po s’ora de cena, in Palatzu Grazioli, in domu de Sirviu Berlusconi, is tres capus, de su centrudresta chi in is politicas de su 4 de martzu anti pigau prus votus de totu is atrus. Su meri de domu, Giorgia Meloni e Mateu Salvini ant decidiu ca at essi su segretariu de sa Lega a s’atobiai cun is Steddaus e cun su Partidu Democratigu po cicai sa cuadra po is presidenzas de su Senau e de sa Camera. In custu atobiu is tres ant serrau totu is bogis de si ponni de acordiu cun su Pd po fairi su Guvernu. Po sa Meloni iat essi cosa beni fata a ponni Salvini comenti su solu candidau, de su centrudresta, po sa cadira prus manna de su Senau. Aici fendu, sempiri po sa presidenti de Fradis d’Italia, Salvini etotu nd’at a bessiri prus forti e iat fairi biri chi s’alleantzia insoru est forti e segura. Cun custa faina, pensat sa Meloni, Mattarella iat donai su primu incarrigu a su Mateu padanu po cicai de fairi unu guvernu comenti si depit.
Is tres ant fians pensau de si torrai a biri a pustis chi Salvini acabat de chistionai cun is Steddaus e cun su Pd, e innanti de is votatzionis de si presidentis de is dus aposentus.
Foto: lastampa.it
