Is sindigus de su nuoresu bolint una lei po sa gestioni de s’abba in Sardigna e si funt atobiaus eriseru in Sarule po ndi chistionai tra issus. Narant ca a s’abba ci depint pensai is Cumunus etotu e ddu bolint aboginai a bogi arta amelessendu finas una mainfestatzioni in Casteddu. Custa proposta de lei erribat de is sindigus de is biddas de Sarule, Thiniscole, Bugerru, Torpè e Orgosolo.
A s’atobiu ddue furint finas su sindigu de Nugoro, Andria Soddu, e-i su presidenti regionali de s’Anci Milianu Deiana, chi perou at nau inderetura de ddu essiri po ascurtai e bastat.
Sa sindaga de Sarule, Mariangila Barca, fendu sa meri de domu at nau custus fueddus: “Nos si seus atobiaus po biri eita si podit fairi poita a andai ainnanti cun Abbanoa, tra bulletas de pagai e cosas chi non andant, non est prus possibili. Pedeus a sa Regioni de donai is cuotas de magiorantzia de Abbanoa a is Cumunus, aici comenti at pediu s’Anac, chi at nau ca non si podit chi sa Regioni tengiat custas cuotas. A is nostras preguntas sa Regioni at arrespustu fendu una lei chi nos mandat a su 2020. Nosu, boleus arrespustas inderetura e non boleus aspetai”.
Foto www.buongornoalghero.it
