Est mortu in Roma su presentadori Fabritziu Frizzi, teniat sessant’annus. Fut torrau in televisioni su 15 de Nadale de s’annu passau, a pustis chi su 23 de mesi de talamini si fut intendiu mali po un’ischemia in su mentris chi fut registrendu una puntada de s’Eredidadi chi faiat in sa Rai.

“S’Eredidadi est un’allirghia, fait beni finas a su corpus – iat brullau cun Pissenti Mollica – intendu ca mi fait intendiri meglius”. Chistionendu de sa maladia naraiat: “Non est ancora finia, chi ap’a curai ap’a contai totu cussu chi m’est sussediu poita bogliu fairi calencuna cosa po sa cica. Imoi est sa cica chi m’est agiudendu”.

Faci meda connota de totus, Fabritziu Frizzi, iat incumentzau in sa Rai cun sa televisioni po is piciocheddus candu teniat bint’annus in su 1980, Barattolo di narant a su programa chi faiat. De tandu, passendu de “Scommettiamo che” a “Europa Europa” e chena si ndi scaresciri de “Luna Park”, “Telethon” e ”Miss Italia”, sa faci de Frizzi est diventada una de is prus connotas e bofias beni de sa genti chi trabagliat in sa televisioni.