Otu senadoris e digiaseti deputaus, est custa sa scuadra sarda chi at bintu is eletzionis de su 4 de martzu. Su numuru prus artu de parlamentaris andat a is Steddaus, funt in segi chi cussus chi ant erribai in Roma, tres a cadunu po su Partidu Democratigu e Fortza Italia.

Is Steddaus, in Sardigna, ant bintu in totu is noi circoscritzionis, aunia si presentada feti unu candidau. Custus funt is nominis de is bincidoris: Andria Mura, Mara Lapia, Pino Cabras, Lucianu Cadeddu, Mariu Perantoni, Nardo Marino Emanuela Corda, Andria Vallascas, Lucia Scanu, Albertu Manca, Paula Deiana, Ettore Licheri e Ervida Lucia Evangelista po sa Camera; Giuanni Marilotti, Milianu Fenu e Maria Vitoria Bogo po su Senau. Po totu custus est sa prima borta finas chi Marilotti e Cabras si funt candidaus in su 2014, po is regionalis, cun Mighela Murgia.

A Roma torrat finas sa sindiga sadilesa de su Pd Romina Mura e su segretariu de su partidu Peppi Luisu Cucca. Sempiri po su Pd Baingiu Manca.

Fortza Italia mandat invecias Ugo Cappellacci cun Perdu Pittalis a sa Camera e cunfirmat Emiliu Floris a su Senau.

Is atrus deputaus e senadoris eligius funt Guidu De Martini, Baroni Sasso Deidda e Dario Giagoni.

 

 

Foto: ansa.it