Medissimas funt is manifestatzionis in totu sa Sardigna po arregodai sa Festa de sa Femina de oi otu de martzu. In Tatari s’atobiu prus mannu at essi sa Cursa in Orrosa apariciada de su sotziu Currichisimagna, gratzias puru a s’agiudu de su comitau provinciali Uisp de Tatari. Partint oi, erribant dominigu: ant essi cuatru dîs aunia s’at a chistionai de is mortis e de is violentzias in pissu a is feminas ma s’ata a chiostionai puru de totu cussu chi faint is feminas in sa sociedadi.
A is ses de merì in Palatzu Ducale su spetaculu de tiatru “Le ragazze sono partite” pigau de su libburu de Giagu Mameli chi contat sa storia de is tzeracas partais de sa s’isula po Roma e Milanu, pusti sa segunda guerra mondiali, po andai a trabagliai in domu de is famiglias erricas
In Casteddu funt dus is atobius: su sotziu “Non una di meno” at apariciau sa manifestatzioni chi est partia de Prassa Garibaldi, a is noioras de mengianu, e si frimat duas bortas in Prasssa Repubblica e in Prassa Amendola po erribai dapoi in Prassa Del Carmine aunia s’at a chistionai de feminas e cun calencunu spetaculu puru; in prassa de is Centomila, ddu est stetiu, invecias, un’atobiu de is feminas de sa Coldiretti cun cincuanta pipius de is scolas de Cabuterra aunia ant a contai eita bolit nai a essiri femina in s’agricoltura.
Foto: cartabiancanews.com
