Un’omini chi giumpat sa strada, una machina chi erribat e no ddu bit e nde ddu boddit in prenu. Totu custu est sussediu sa noti passada, biora de is cuatru, in sa strada de su stadu554 inis orus de Ceraxius, in su semafuru chi s’agatat tra sa 554 e orruga Perdu Nenni. Sa Renault Clio, guidada de una femina, non fut mancu lestra meda ma non ce dda fata a non ddi boddiri s’omini chi fut giumpendu sa strada, cun su scuriu c’est de dda cumprendiri. S’omini est mortu inderetura e non funt serbius a nudda totus is agiudus po s’omini, donaus de is automoblistas chi funt passendu tandu. Funt erribaus is ominis de sa Politzia stradali po biri comenti funt andadas is cosas e po cicai de donai unu nomini a su mortu, ca fut chena perunu documentu.
S’omini forsis est unu “clochard” e parit tenni un’idadi chi podit andai de is cincuanta a is sessant’annus. Su corpus de s’omini imoi s’agatat in su campusantu de Ceraxius in su mentris chi calencunu s’at a ponni a trabagliai po sciri e chini est su mortu.
Foto: sardegnaoggi.it
