“Perunu partidu at nau ca nou, creu chi sa presidentzia de sa Camera at ess ide su Movimentu 5 Steddas”. Custus funt is fueddus de is capustruma de is Steddaus de Camera e Senau, Giulia Grillo e Danilu Toninelli, chi faint cumprendiri chi s’acordiu cun sa Lega est cosa bella che fatu: una camera a dogniiunu chena certai, Montecitorio a is grillinus e su Senau a su centrudresta.
Su nomini prus forti est cussu de Orrobertu Fico chi eriseru s’est atobiau cun Luisu Di Maio. Candu funt intraus in s’aposentu aunia ddue funt is deputaus steddaus ddis ant batiu is manus. Abarrat puru su nomini de Ricardu Fraccaro chi su nomini de Fico, ca fut su presidenti de sa Vigilanza Rai in is cinc’annus passaus, non pragiat meda a totus.
“Custa non est una partida po su guvernu – at nau Di Maio – est una partida po nci bogai is vitalitzius. Po custu boleus chi a su Movimentu bengiat donada sa cadira prus arta de Montecitorio, poita innoi ddue funt prus vitalitzius de segai e prus cosas de cambiai in su regolamentu”. At aciuntu puru: “Soi seguru ca su Presidenti de sa Repubblica at a fairi totu is cosas beni, nos si pragit ca Mattarella non est ponendu pressi a nemus”.
Foto: camera.it
