Air Italy est in cica de pilotas nous. Sa cumpangia aerea, nascia de pagu tempus, ddu scrit in su giassu cosa sua. Si cicant pilotas de fairi trabagliai in is aereus A330, B737 e su B767. A pustis airi presentau su pianu industriali e airi chistionau de atrus postus de trabagliu, imoi sa cumpangia aerea sarda, chi de mancu unu mesi at cambiau nomini de Meridiana a Air Italy, si ponit a fairi is cosas comenti si depit. At essi amanniau su numuru de is aereus, giai in si mesis chi ant erribai e, in su fratempus, sa cumpangia est fendu cursus po is pilotas chi funt giai trabagliendu. Serbint atra genti cualificada puru.

Sa cumpangia aerea candu at atobiau is sindacaus, duas cidas fait, a su Mise iat nau ca aintru de su 2020 iat airi fatu trabagliai atra genti meda, prus de 600 e ca aintu de su 2022 podiant cresciri prus de su dopiu. Po su 2018 s’at a partiri cun binticuatru pilotas e sessantatres chi trabagliant in pissu de is aereus.

In su mentris Air Italy, chi in is mesis passaus iat nau ca fut trabagliendu po ammaniai is logus de collegai, imoi fait sciri cali funt is logus nous: Malpensa, Napoli, Verona, Torinu e Venetzia chi s’aciungint a Bologna, Roma e Linate.

 

 

 

Foto: baritoday.it