Stephen Hawking, s’astrofisicu ingresu de setantases annus est mortu. Candu fut unu giovaneddu de bintun’annus nd’iat boddiu sa Sla, sa maladia chi frimat a pagu a pagu totu su corpus e su fueddu, dd’iant donau dus annus de vida. Invecias, mancari sa maladia, studiendu, est diventau unu de is scentziaus prus mannus de su mundu.

Sa morti est erribada in domu sua in Cambridge. Aici at fatu sciri sa familia sua, is figlius Lucy, Robert e Tim, chi at po aciuntu: “Seus tristus meda po sa morti de su babbu nostu. Est stetiu unu scentziau mannu e un’omini balenti. Is trabaglius chi at fatu ant abarrai po medas annus ancora a pustis sa morti”.

Hawking non fut feti cussu chi fut in su trabagliu chi faiat ma fut unu simbulu po totus. De sa vida sua, e de su libburu scritu de sa pobidda Jane Wild, at pigau James Marsh po su film “La Teoria del tutto”.

Su scentziau fut famau finas po su spassiu chi poniat cun is fueddus sûs: “Sa vida iat essi leggia meda chi non fut spassiosa”, iat nau e finas: “Su nemigu prus mannu de su connosciri non est s’ignorantzia, ma est a s’illudiri de connosciri”.

 


Foto: livescience.com