In Foggia, in-d’una operatzioni de sa Digos de de sa Guardia de sa Finantza, cun sa Diretzioni Distretuali contras is mafias, ant acapiau un’omini chi nd’erribat de s’Egitto incurpau de fairi parti de s’Isis.

S’omini egitzianu est unu citadinu italianu, at lompiu is cincuantot’annus e s’at coiau una femina italiana. In su fratempus is politziotus e is finantzieris ant forrogau apetotu in domu e finas in su sotziu culturali “Al Dawa” de sa citadi pugliesa aunia cussu chi benit cretiu unu terrorista fut su presidenti.

S’egitzianu faiat scola de religioni a is pipius de su sotziu islamicu de Foggia, e a ddu fairi creiri unu terrorista est calencuna cosa chi at postu in internet e is indagus de sa politzia.

Custu mengianu etotu totu cussu chi est sussediu in custa operatzioni de politzia lamada “Bad Teacher” at a benni nau in s’atobiu cun is giorronalistas in is ufitcius de sa Procura Distretuali.

 

 

Foto: restoalsud.it