S’Anc (African National Congress), partidu chi cumandat in Sudafrica, at decidiu de nci bogai su presidenti Jacob Zuma de sa carriga de Capu de Stadu. Est acabau aici sa riunioni straordinaria chi est durada po tregi oras de su Comitau Esecutivu Natzionali de su partidu, convocau de Cyril Ramaphosa, su capu nou de su Anc e numuru dus de su Sudafrica, a pusti chi Zuma non di boliat fueddai de si nd’andai. Sa riunioni dd’ant fata in-d’un’albergu de sa periferia de Pretoria.
Segundu cantu est stetiu nau de sa televisioni pubrica de su Sudafrica, Sabc, pusti sa riunioni straordinaria, su comitau esecutivu de s’Afican National Congress, at donau a Zuma corant’oras de tempus po si nd’andai. Is arregulas de su partidu narant ca totu is iscritus depint obidiri a-i cussu chi narat su comitau esecutivu. Chi, mancari custu, Zuma decidit de non ponni menti, at essi possibili a nce ddu bogai cun s’interventu de su Parlamentu aintru de custu mesi. Zuma tenit setantacinc’annus et ddu incurpant de corrutzioni de su guvernu sû.
Foto di www.lastampa.it
