“Soi candidau finas in su collegiu uninominali de Casteddu e mi iat a pragiri meda a podiri tenni ocasioni de mi cunfrontai cun is atrus candidaus, ddu ia bolli fairi paris a issus po nai cussu chi bogliu fairi e intendiri eita bolint fairi is averasarius mius”. Ugo Cappellacci, de Fortza Italia, iat a bolli atobiai is atrus candidaus (Lucianu Uras de su centrumanca, Andria Mura de is cincu steddas, Orrobertu Mirasola de Liberi e Uguali e Falentina Sanna de Autodeterminatzione). “Non est s’ora de perdiri tempus a curriri a palas de faulas e cosas malas – at nau su presidenti beciu de sa Regioni chistionendu a sa presentada de is candidaus de Fortza Italia – non creu chi a su citadinu nde ddi frighit de chini aboginat prus a forti e a chini narat prus cosas legias, ma nde ddi frighit invecias de ascurtai is programas e a eita tenint in conca de fairi po s’Italia”.

Lucianu Uras inderetura at nau ca giai a s’atobiu. “Mi fait prageri e soi a cumpleta dispositzioni po un’atobiu in calechisiat logu, depit essiri un’atobiu chi chistionit a sa genti in pissu de temas chi interessant a Casteddu, sa citadi metropolitana, sa Sardigna, e chi agradant a su s’Italia e a s’Europa. Deu ia bolli chistionai de totu, chena problemas”. “Creu chi a si fueddai in manera trancuilla est sa cosa meglius po agiudai is eletoris a decidiri a chini donai fiducia”, at acabau aici su senadori Uras.

 

Foto di Sardegnadigitallibrary