Un’atra femina bocia in Italia, una piciochedda de bint’annus bocia cun d’unu gorteddu in Milanu in orruga Brioschi. Ddi naranta Jessica Valentina Faoro. Acapiau e betau in presoni Alisandru Garlaschi, de trintanoi annus, meri de sa domu aunia ant agatau sa picioca.
Ancora non est totu craru ma una cosa est segura: Valentina biviat, de una pariga de cidas, in domu de Garlaschi e de sa pobidda, forsis paghendu s’afitu. Po imoi si pensat ca est meda possibili chi su tramvieri ddi apat cicau contus ma sa picioca no nd’at bofiu intendiri e po custu, cun su sanguni a su ciorbeddu, dd’apat bocia cun su gorteddu. Totu custu depit essiri sucediu a is cuatru de mengianu, candu in domu furint assolus chna sa pobidda de Garlaschi. Su bocidori est poi calau de su portinaiu cun is bestiris brutus de sanguni nendudeddi ca in domu teniat una picioca morta.
Segundu cussu chi si narant Garlaschi iat airi cunfessau parti de is curpas.
In is urtimus tempus, segundu is cumpangius de su trabagliu, Alisandru Garlaschi fut unu pagu foras de conca po mori de su trabagliu, iat tentu calencunu incidenti guidendu su tram e is capus ce ddu boliant stupai. Biviat de unu bonu pagu in orruga Broschi ma feti de calencunu mesi biviant, paris a sa pobidda, in cussa domu aunia est morta sa picioca.
Foto: ilgiorno.it
