“In su mentris chi is primas duas familias de Parkland, in Florida ci interranta is figlius, Donald Trump fut gioghendu a golf e tuitendu contras de s’Fbi. Chini s’aspetada unu pagu de bona cuscentzia, po cussu chi est sucediu in sa scola, aunia funt mortus bocius meda piciocus e piciocas, si pongiat puru cu coru in pagi, su presidenti non at cambiau po nudda is abitudinis suas”. Custus fueddus at nau su giornalista de punta de sa Cnn, Anderson Cooper, eriseu in su programa chi presentat. Nendu propriu ca Trump si fut gosendu su fini de cida longu in sa “domu” de Mar-a-Lago (eriseru in America fut su President’s day e non si trabagliaiat) a pagus chilometrus duas familias interrant, ppo sempiri, Luke Hoyer de catodigi annus e  Alaina Petty de cuindigi annus, dus piciocus bocius, in sa scola Marjory Stoneman Douglas High School, de un’atru piciocu chi iat fatu sa propria scola.

Su giorronalista at fatu biri totu sa cosa chi at scritu su presidenti in Twitter e nendu ca in d’una dî de lutu comenti de custa a su presidenti non est beniu a cona de scriri calencuna cosa po is piciocus o po is familias. At scritu feti po su Russiagate e mai unu fueddu de pena e de cunfortu po nemus.

“In custu fini de cida s’est cumprendiu cali funt is cosas prus importantis po Trump e s’est cumprendiu puru cal’est s’umanidadi sua”, at nau, acabendu su chi teniat de nai, Cooper.

 

 

Foto: http://www.marieclaire.it/Attualita/gossip/Donald-Trump-presidente-sedentario