Candu sa partida pariat ca depiat acabai comentu cussa de sa cida passada, in Reggio Emilia cun su Sassuolo, Giaccherini nd’at bogau una maia cun d’unu bellu tiru a suta de sa traversa e po su Casteddu totu s’est fatu dificili meda. A pustis de su gol de s’1-0, funt passaus feti dus mitus e Inglese, su centravanti de su Chievo, cun d’una bella atzioni at segnau su de dus. De tandu in poi, mancat unu caurtu de ora a sa fini, feti una scudara in campu: su Casteddu. Innanti ce dd’at fata a segnai cun d’unu bellu corpu de conca de Pavoletti e bia sa fini fut acanta de fairi su gol de su 2-2 cun su matessi centravanti de Livorno.

Imoi su Chievo nd’at sighiu su Casteddu e totu as duas s’agatant a binticincu puntus in catodicesima positzioni. A palas s’agatant su Sassuolo, su Crotone e is urtimas tres, chi imoi iant essi cussas chi ant a giogai in Serie B s’annu chi benit, funt sempiri sa Spal, su Hellas Verona e su Benevento.

Sa prossima partida, po is sardus, si giogat lunis chi benit a is noioras mancu unu cuartu in su Sardegna Arena contras de su Napoli.

 

 

Foto: blitzquotidiano.it