Is Istadus Unidus non ant fatu intrai Maradona poita su giogadori argentinu de su seculu passau at ofendiu su presidenti Donald Trump in televisioni. Dd’at fatu sciri s’abogau de Maradona, Matias Morla, chistionendu in d’unu programa de sa televisioni argentina: “Buenos Dias América”.
Diegu Armandu Maradona, chi oi est s’allenadori de su Al Fujairah in is Emiradus Unidus, depiat andai in America de su Nord po presentziai in tribunali in d’unu processu chi tenit cun sa prima pobidda Claudia Villafane.
Segundu cantu narant is giorronalis argentinus, sa decisioni de s’ambasciada de non fairi intrai Maradona in comu insoruest acapida a-i cussu chi Maradona, in-d’una intervista a sa televisioni de su Venezuela, Telesur po sa precisioni, at nau po su presidenti americanu. Su campioni, chi in Italia at giogau de spantu cun su Napoli, at nau po Trump ca est unu buratinu.
Maradona est de su 1994 chi non podit intrai in America, de candu in su mondiali de palloni chi si fut gioghendu in cui fut stetiu aciapau cun in su sanguni sostantzias proibbidas.
