Luisu Di Maio, su candidau po fairi su presidenti de su Guvernu po is Cincu Steddas, ddu iat impromintiu, e aici at fatu: a pagus dîs de sa serrada de sa campagna eletorali, de su cuatru de martzu, at mandau una mail a su presidenti de sa Repubblica Sergiu Mattarella cun is nominis de is ministrus chi iat a fairi una borta chi bincit is eletzionis.
Tra custus ddue funt Pascali Tridico, economista, po su ministeru de su Trabagliu, Alisandra Pesce, dirigenti de su Mipaf, a s’Agricoltura, Peppi Conte, professori in s’Universidadi po su ministeru de sa scola, Larentu Fioramonti, atru economista (e finas su solu chi est finas candidau in is listas “grillinas” a su ministeru de su Svilupu economicu. Is nominis funt stetius fatus finas in sa trasmissioni de sa televisioni “Di Martedì” e ant essi presentaus cras, giobia primu de martzu, in Roma.
“ A mei giai non parit chi su presidenti de sa Repubblica non si siat inchietau po dd’airi spediu custa lista”, at nau Di Maio in televisioni. “Deu possu presentai una lista innanti de is votatzionis poita non depu fairi prageris a nemus, cosa chi invecias depint fairi totu is atrus. Ndi beneus de unu tempus aunia is tecnicus de is ministerus non si funt mai imbrutaus is manus, deu apu pediu a custa enti de ddue ponni sa conca e-i su coru in is cosas chi ant a fairi”.
Foto: ilsecoloxix.it
