Funt sonumancu digiaseti is mortus de su liceu Marjory Stoneman Douglas de Parkland in Florida. Unu piciocu, Nikolas Cruz de digianoi annus, chi in is annus passaus iat studiau inigui est intrau cun-d’una meca de fosilis. Segundu cussu chi si scit Cruz iat airi allutu s’allarmi po su fogu, is studentis de sa scola, chi funt tremila, funt acodius totus in is passadissus e at incumentzau a sparai contas a totus. Su bocidori teniat in faci una mascara contras de su gas.

Duncas, pusti airi bociu, in su mentris chi sa politzia ingiriada sa scola Cruz cunfundendusì cun is atrus studentis nc’est bessiu. Ma non ce dd’at fata a si fuiri e est stetiu acapiau.

Ancora non si scit eita dd’est pigau a conca a su piciocu. Chini ddu connoscit narat ca Cruz fut unu cun medeas problemas, ddi pragiant meda is armas e de cussu Liceu nci fut stetiu bogau. Custu podit fairi pensai ca si boliat vendicai.

Custa stragi sighit a medissimas atras in is Stadus Unidus, e imoi s’ata torrai a chistionai de sa facilidadi chi tenint is piciocus a podiri comporai fosilis o pistolas. Su presidenti Trump in Twittere at scritu ca: “Perunu piciocu o professori o perunu’ateru s’iat depiri intendiri chena seguresa in is scolas americanas”, ma medas bortas non est propriu aici.

 

Foto di:ilfaro online