“Sa divisioni de sa Manca est acapiada a su fatu ca custa Manca at perdiu is idealis sûs”, Aici Marcu Rizzo, segretariu natzionali de su Partidu Comunista, s’atra dî in Casteddu po sa presentada de is candidaus in si collegius de sa Sardigna “Est stetia una Manca faulargia – at nau sempiri Rizzo – si funt sighias is bancas e non is trabagliadoris, s’est ascurtau de prus cussu chi narat Bruxelles e Francoforte e non is problemas de sa mancantzia de trabagliu e de sa serrada de is industrias”. “Nosu – acrarit – teneus unu progetu mannu po cambiai sa sociedadi: su Partidu Comunista po custa Italia”.

“Pusti doigi annus torrat in sa scheda eletorali sa farci cun su marteddu”, narat sempiri Rizzo, “nos agataus in cunidigi regionis e finas in Sardigna, chi est sa terra de su sundadori de su Partidu Comunista Italianu Antoni Gramsci. Ce dda eus fata cun meda dificoltadis poita custa lei eletorali nos at fatu trabagliai che macus po agatai, in binti dis, migliaias de frimas. Mai comenti de oi c’at bisongiu de su Partidu Comunista e de sa capacidadi chi teniat de fairi moviri sa genti: in su mundu s’agatant otu ominis chi tenint s’errichesa de atrus tres miliardus e setigentu milionis, calencuna cosa non torrat. Duncas sa proposta nostra est cussa de donai prus poderi a is trabagliadoris”.

In pissu de sa Sardigna Rizzo fueddat de una industrializatzioni noa chi partat de s’ambienti. “Chena sa Sardigna non c’est s’Italia e chentza sa Sardigna de Antoni Gramsci non c’est su Partidu Comunista”, at acrariu su segretariu de su Partidu Comunista.