“Non ant a torrai ne fascismu, ne comunismu e ne natzismu, in Italia c’at a essiri sa democratzia sempiri chini e chi siat a bincir isi eletzionis” Su capu de sa Lega, e candidau a fairi su presidenti de su Guvernu, Mateu Salvini chistionat in s’arradiu cun Jean Paul Bellotto e Massimu Giannini de sa Lega e de CasaPound. “Deu soi innoi, chi a bos atrus pragit a chistionai de natzistas, ratzistas e ominis chi ndi benint de atrus pianetas fei puru”.
“Su centru destra c’est e tenit unu programa, non seus is Pooh chi si depint torrai a ponni paris po fairi cuntentus is chi ddus ascurtant de sempiri. Teneus unu programa cumunu in pissu de pensionis, saludi, cultura e atras medas cosas. Cras nos atobiaus po fairi is contus e biri eita n’at a benni a foras. Soi meda cuntentu de airi fatu totu custus chilometrus po fairi sa campagna eletorali, a mimi pragit atobiai sa genti. Sa televisioni? Dognunu scioberat su dde fairi”.
At sighiu su segretariu de sa Lega a chistionai de su presidenti de su Guvernu chi at a benniri: “Chini bolit Tajani depit votai Fortza Italia, chini bolit a mei invecias sa Lega, soi cunvintu ca sa genti mi bolit fairi provai a guvernai. Berlusconi at nau ca iat bolli fairi su presidenti s’annu chi benit chi s’at a torrai a votai? non c’at perunu problema, chi binceus nosu si torrat a votai in su 2023!”.
Foto: lineapress.it
