Non dda depeus lamai prus Meridiana, a pusti s’intrada, in cabidanni passau, de Qatar Airwais chi tenit su 49% de is cuotas, sa segunda cumpangia italiana at scoviau su nomini nou chi s’est donada: Air-Italy.

In s’atobiu cun is giorronalistas de custu mengianu in Milanu at finas presentau is puntus fortis de su pianu industriali. A spigai totu ddue funt Marcu Rigotti, presidenti de Alisarda e AQA holding, Akbar Albaker de Qatar Airways, Sultan Allana in nomini de s’Aga Khan e Franciscu Violante presidenti de Meridiana.

“Alitalia at essi feti un’atra cumpangia chi nos si fait cuncurrentzia, nosu puntaus a essiri is primus”, at nau s’amministradori de Qatar Airways. Sa cumpangia noa crit de podiri cresciri finas a tenni cincuanta aereus aintu de su 2020, e in is prossimus tres annus ant erribai binti nous Boering 737 MAX 8, su primu de is calis in Arbili de cust’annu.

Malpensa at essi su centru de totu ma is aministradoris nous non si ndi scarescint de Terranoa: “Non si podeus scaresciri de aunia est nascia Meridiana, e non si ndi podeus scaresciri puru ca est unu de is aereportus meglius chi teneus in Europa”.

 

Foto: youtube.com