A Di Maio ddu bolit denunciai, a Renzi ddi consigliat de cambiai nomini a su partidu de Partidu Democraticu a Partidu Socialdemocraticu, de Salvini narat ca est “pirotecnico”, “non podeus serrai is moscheas e deu soi contrariu a sa leva de obligu”. Antoni Tajani podit essiri unu presidenti de su guvernu chi andat meda beni, “ma non est s’unicu candidau”, e in Italia non esistit ratzismu. Aici Sirviu Berlusconi eriseru a mengianu chistionendu cun Jean Paul Bellotto e Massimu Giannini in Radio Capital.
“Deu non creu chi calencunu possat nai ca cuss uchi naru deu possat fairi cresciri su ratzismu: deu non apu mai nau de nci bogai is imigraus ma de ddu s fairi torrai a domu insoru. Eita ndi depeus fairi de totu custa genti chi non tenint is numurus po podiri biviri in Italia? Chini non ce dda fait a biviri ce dd’acabat a fairi su delecuenti” Aici narat Berlusconi.
Su capu de Forza Italia at poi fatu scri de bolliri denunciai a Luisu Di Maio po airi nau ca Berlusconi est stetiu “cussu chi at traigiu sa patria” candu su candidau a presidenti de su Guvernu de su Movimentu Cincu Steddas iat chistionau de imigraus.
“Non mi parit una grandu pensada cussa de torrai a fairi fairi su militari a is giovunus nostus e in su programa chi eus frimau cun Salvini e sa Meloni no nde eus chistionau in peruna manera”, at arrespustu Sirviu Berlusconi a chini di pregontaiat de s’urtima bessida de su segretariu de sa Lega.
