Sabudu passau fut s’urtimu merì de su Festival de sa cantzoni de Sanremo, erribau a s’editzioni numuru 68. Ant bintu Ermal Meta e Fabritziu Moro, segundus funt erribaus Lo Stato Sociale e terzta Annalisa.
In pissu de su palcu, comenti is dîs passadas is meris de domu Claudiu Baglioni (ca est finas su diretori artisticu), Pierufranciscu Favinu e Michelle Hunziker.
In s’urtima dî funt abarraus in gara Luca Barbarossa, Red Canzian, The Kolors, Elio e le Storie Tese, Ron, Max Gazzè, Annalisa, Renzo Rubino, Decibel, Ornella Vanoni-Pacifico-Bungaro, Caccamo, Lo Stato Sociale, Facchinetti-Fogli, Diodato cun Roy Paci, Nina Zilli, Noemi, Meta-Moro, Avitabile-Servillo, Le Vibrazioni, Màriu Biondi.
Cenarba, po is giovunus, iat bintu Niccolò Morriconi chi totus connoscint comenti Ultimo.
Una parti de is votus po biri e chini binciat si faiat cun su televotu, is preferentzias de is giorronalistas e de sa giura de calidadi. Pusti ant votau invecias feti po is primus tres chi funt, comenti eus giai nau, Annalisa (cun sa cantzoni “Il mondo prima di te”), Lo Stato Sociale (cun sa cantzoni “Una vita in vacanza”), Ermal Meta cun Fabritziu Moro (cun sa cantzoni “Non mi avete fatto niente”).
A s’Ariston de Sanremo non est mancada Laura Pausini chi at cantau paris a Baglioni e cun sa genti chi fut in foras de su Tiatru.
Foto di ilpost.it
