Un’atru figliu de sa Sardigna chi si nd’andat: eriseru a merì in Deximeputzu unu piciocu de bintitres annus, Mirko Pintus, at perdiu sa vida e unu fedali cosa sua s’est strupiau ma non est in perigulu de vida. Est sucediu in sa strada chi andat de Deximeputzu a Biddexidru. Sa Renaul Clio guidada de Pintus, ancora non si scit poita, est bessia foras de strada fendu prus de unu brinchidu e is piciocus ce dd’ant acabada in foras.
Inderetura funt erribaus is agiudus cun s’ambulanza de su 118, is carabbineris e is vigilis de su fogu. A dolu mannu po Mirko Pintus non si podiat fairi nudda e s’amigu sû est stetiu portau a s’ispidali Brotzu de Casteddu.
Is carabbineris de sa cumpangia de Igresias ant incementzau inderetura s’indagu po biri eita podit essiri sussediu e po biri su poita.
