Forsis sa storia de sa Keller de Biddexidru, atzienda chi non produsit prus de ses annus non est serrada. In s’atobiu de s’atra dî a su Mise de Giunnipedru Castano, chi est cussu su responsabili de is Unidadis po sa crisi atziendali, e Teresa Bellanova, sa numuru dus de su ministru, nde’es bgessiu a foras ca ci funt duas atziendas, una cinesa e una italiana, chi bolint fueddai po sa compora de sa Keller. Ancora non si scint is nominis e nemancu cussu chi est scritu in is duas litaras.
De arregodai ca in su mesi de Sant’Andria passau una delegatzioni de sa Chengdu Xinzhu Road and Bridge Machinery Co. Ltd, un’atzienda manna chi fait, tra is atras cosas trenus po sa metropolitana, fut benia in Italia po biri sa Keller e s Mida de Livorno, e forsis ddi s’est pragia s’atzienda de Biddexidru.
Segundu is sindacaus anocora non si podit chistionai de nudda e narant ca po imoi sa cosa importanti est a fairi sighiri is agiudus po is operaius chi su 31 de Nadale ant acabau de pigai dinari regionali. Totus, operaius e sindacalistas, sighint una bataglia chi forsis est acanta de acabai.
