“Soi meda cuntentu de m’agatai innoi. Soi unu gherreri e giogu sempiri po sa scuadra. Apu nau inderetura ca giai, chena ddue pensai nudda finas po is consiglius de Nainggolan e de Avelar chi apu cicau comenti s’est fatu su nomini de su Casteddu. Leandru Castan, prima compora de gennargiu po is sardus, est erribau eriseru biora de is undixi de noti. Dd’aspetau po sa su Casteddu Orrobertu Colombi.
Esperientzia e calidadi po Lopez, Castan, sa Roma, ddu at prestau finas a s’acabu de su campionau.
Su campionau e sa copa Libertadores cun su Corinthians funt is suas vitorias prus mannas, ma sa carriera de su brasilianu iat essi stetia meda meglius chena totu is problemas chi at tentu. Tra totus est giustu a s’arregodai su cavernoma a su ciorbeddu chi at tentu in su 2014. Est abarrau un’annu chena giogai, ma in su mentris s’allenadori Spalletti faiat giogai atra genti.
Tandu lassat sa capitali e si nd’andat a Genova po giogai cun sa Sampdoria, ma innoi non durat meda e bessit pagu-pagu prus a susu finas a Torinu po difendiri is coloris de sa scuadra de su Torinu: giogat 14 partidas feti po mori de atrus problemas fisicus. Castan tenit trintun’annus e bolit torrai a fairi biri de eita est capassu. Po unu chi erribat un’atru, invecias, si nd’andat: Marcu Capuano a su Crotone finas a làmpadas e chi sa scuadra calabresa si sarvat de sa retrocessioni ddu at abarrai is annus a beniri puru.
