Ant incumentzau cenarba passada, su 5, e ant acabai su 5 de martzu, po ddus mesis s’at a cicai s’ocasioni bona po si comporai calencunu pantaloni, giancheta o crapita a pretziu prus baratu. Pusti is festas erribant, comenti sempiri, is venditas scontadas de totu is butegheris chi bendint bestiris. Cust’annu, segundu is studius de sa ConfCoomercio Sardegna, at essi prus pagu su dinari e dogna familia at a spaciai 239 eurus, binti de mancu de s’annu passau. Una cifra chi est meda prus bascia de cussa de s’orrestu de s’Italia chi est de 331 eurus.

S’aspetant pagu is butegheris de bestiris e crapitas. Dognunu in Sardigna nd’at a bogai de buciacu 105 eurus, invecias in Italia, sa media at essiri de 143 eurus. Su 33,4% at a spaciai finas a 50 eurus e su 46,8% erribat a 100 eurus; feti su 13,9% nd’at a bogai finas a 200 eurus, e ancora prus bascia est sa percentuali de cussu chi ant spendiri prus de 200 eurus: su 5,9%. Is butegheris partint inderetura cun pretzius prus bascius meda artus: de su30 asu 70%.

Su 24% de totut su dinari chi s’at a spaciai, sempiri segundu su studiu de sa Confcommercio, at essi umperau po si comporai crapitas.