Ci funt is primus cuatrus candidaus de AutodetermiNatzione, s’unioni de una bona pariga de partidus indipendentistas (RossoMori, Liberu, Irs, Sardigna Natzione, Sardos, Gentes, Comunidades e Sardegna possibile) chi si presentant a is prossimas eletzionis po su Parlamentu italianu. Is nominis ddus at fatus Anthony Muroni.
In is collegius uninominalis, cussu aunia bincit sa coalitzioni, o su partidu, chi at a pigai prus votus, AutodetermiNatzione at scioberau Mariella Multinu po Terranoa in sa Camera. Multinu est unu dotori chi trabagliat in s’ispidali Giuanni Paulu II. In su Sulcis, sempiri po sa Camera su candidau at essi Fabritziu Palazzari, 43 annus. Po su Senau in su Nord Sardigna iaus a tenniri Marina Piras de 62 annus, chi bivit in Tatari ma est stetia finas consigliera comunali in Buddusò.
S’atru candidau at essi Antoni Filipu Simula de 61 annus, segretariu provinciali de Liberu, chi trabagliat in sa coperativa de casu de Ittiri. In su matessi cumunu fut assessori a s’Ambienti.
