In Casteddu is piciocus chi no andant prus a-i scola funt aberu medas. Tocat a pensai ca sa Sardigna, segunda feti a sa Sicilia, est sa regioni cun su prus artu numuru de piciocheddus chi dda lassant coidendu. In su 2013/14, segundu unu studiu de Tuttoscuola, sa percentuali in sa capitali sarda fut de su 36,5%.
Imoi parit chi sa situatzioni siat unu pagu prus bona e is urtimus datus narant chi seus passaus de su22,9 asu 18,1 de percentuali feti in-d’un’annu, ma abarrat, in dogna modu, meda arta su matessi, poita a livellu natzionali est de su 13,8%.
Is piciocus lassant, prus che a totu, in is primus dus annus de is scolas superioris, candu scadit s’obligu de andai a-i scola, ma is servitzius socialis faint sciri ca ci funt finas piciocheddus de mancu de dexi annus chi andant paghissimu. Erribant de familias cun problemas socialis e de dinari, medas bortas cun disisperu mannu.
sa zona peus de Casteddu po sa scola abarrat Sant’Elia. Bascius, aberu, is numurus: su 30% de sa genti est andau feti sa scola elementari o no scit né scriri e nemancu ligiri, feti su 4% tenit su diploma o sa laurea.
In s’urtimu annu de 14.297 piciocus chi ant incumentzau is scolas superioris ant lassau sa scola o funt stetius scrocorigaus in 2593.
