Su Pordenone, chi nc’iat bogau su Casteddu de sa Coppa Italia, at fatu una grandu bella figura eriseru puru a Milanu in sa partida de is otavus contras de s’Inter. Sa scuadra de Spalletti, chi est sa prima in sa classifica de sa Serie A, ce dd’at fata a brincai a is cuartus feti a is rigoris. Su bellu contu de sa scuadra de su Friuli s’est frimau candu Padelli at parau su tiru de Parodi e Nagatomo ce dd’at fata a segnai de is undixi metrus. Imoi s’Inter at a giogai, su 27 de Nadale, cun sa bincidora de sa partida Milan-Verona. Saplletti eriseru at fatu giogai totu cussus chi in campionau tenint paghissimas ocasionis de ddu fairi ma candu sa partida pariat posta malli at fatu intrai de sa panchina is giogadoris chi giogant sempiri comenti Icardi, Perisic e Brozovic. Su Pordenone at giogau beni meda e nd’at boddiu finas unu palu cun Magnaghi e at tentu calencuna atra bella ocasioni po segnai, ma prus de aici aberu non podiat fairi. Sa scuadra de is biridi nieddus est stetia sighia a Milanu de cuatrumila tifosus chi a s’acabbu de sa partida ant batiu is manus a is proprius giogadoris.