Mancari s’abba e su nì de is urtimas dîs, in su nuoresu addurat sa sicidadi gravi et est ancora emergentzia idrica, difatis de eriseru finas a non si scit candu, Abbanoa at a sighiri a non donai s’abba in undixi cumunus, finas in Nugoro, non prus de is 21 ma de is seti de meri finas a is ses de mengianu. Custus funt is cumunus interessaus: Nugoro, Mamujada, Orgosolo, Fonne, Gavoi, Sarule, Orane, Onieri, Oroteddi, Bolotana e Silanos. Disagius mannus po custas biddas po sa genti e po cussus chi trabagliant in su monti: massaius, pastoris e atziendas. Is sindigus non funt meda de acordiu e funt prontus a donai bataglia. “S’abba est unu beni primarzu, at nau sa sindaga de Sarule Mariangela Barca, in s’atobiu de Confimprenditori Sardegna chi chistionaiat de sa sicidadi, e comenti de aministradoris teneus su doveri de andai de Abbanoa a pregontai eita est sucedendu”.
