Cambiat sa lei po is esercitatzionis militaris, imoi depint essiri controlladas de sa Regioni e de is Cumunus e i si materialis chi benint umperaus depint essiri comunicaus a un Osservatoriu. Sa Sardigna non at essi prus terra de concuista po is esercitus. Firmaus is giogus de guerra chena perunu controllu anintru de is poligonus. Una lei ponit acabu a s’umperu de custus teritorius po armas non connotas. De oi s’Isula de is tzrachias militaris at essi prus pagu tzeraca. Sa rivolutzioni erribat cun d’unu emendamentu a sa finantziaria chi est stetiu presentau a su Senau, chi donat risorsas e vida a sa lei presentada de su deputau Giuanni Pieru Scanu chi cuidat sa Cumissioni parlamentari de s’Uranio. Finas a ori sa Regioni e is Cumunus aunia funt is poligonus non podiant fairi nudda. De oi ant a tenni, invecias, un’atru modu de fairi. Is esercitatzionis militaris, de oi in sus, depint essiri registradas e allogadas po dexi annus.
