Sa politzia chi est trabagliendu a agatai echini at bociu sa giornalista Daphne Caruana Galizia at fatu otu arrestus. A ddu nai est su primu ministru de Malta Joseph Muscat, precisendu ca funt totu maltesus e calegunu giai connotu de sa politzia.
Is arrestus funt stetius fatus custu mengianu. Imoi sa politzia tenit corantot’oras po ddus intendiri e po biri comenti ddus podiri incriminai. In sa cunferentzia stampa, Muscat at nau puru, sciendu de nai cosas chi faint erriscai, ca is arrestaus, segundu is investigadoris, funt cussus chi ant bociu e non funt is mandantis.
Sa giorronalista dd’ant bocia su 16 de Santu Aine cun-d’una autobomba comenti faint is mafiosus e meda iat fatu chistionai, apetotu, poita in Malta non si fut mai bista una cosa aici. Po biri chi giustissia est fata tocata a aspetai is prossimas dîs ma giai sciri custas novas allirgat su coru.
