De su primu de Mesi ‘e Idas est incumentzada sa Paschigedda in Casteddu. Allutas is lugis in is orrugas de su centru, obertas cuasi centu domigeddas de is traditizionalis mercatinus de prassa Yenne, cursu Vittorio e prassa del Carmine. S’aministratzioni comunali castiat a mannus e piticus po ddi amostai sa maia de custu mesi prenu de festas. Musica, cantus, sfiladas e atras cosas bellas ant agiudai, in cuntentesa e alligria, sa citadi a erribai finas a su 2018 andendu de Castello a Sant’Elia, a su Parcu de sa Musica e a Pirri passendu de sa Marina e su Centru cumerciali naturali. Is assotzius de categoria ant organitzau finas su cuncursu po sa vetrina prus bella. Po primu di de annu non cambiat su modu de fairi de is atrus annus, cuatru palcus po cuatru adobius po totu is gustus e totu is idadis: Malika Ayane in prassa Yenne, Smash Hits in su Bastioni, The Longuettes in prassa Savoia, Zamu e i Janas in Pirri.
