Comenti iant giai nau is carabineris, pusti is primus cuatru piciocus erribaus s’atra dî in su portu turisticu de Teulada, eriseru est stetia un’atra dî prena de medas sbarcus giai de primu mengianu. A Porto Pino funt erribaus in bintunu, atru seti funt stetius bistus de is automobilistas chi passanta andendu bia Arresi, atrus cuatru frimaus in Masainas. In meigama atrus cuindixi funt erribaus a Sant’Antiogu e atrus sbarcus in Teulada etotu. In totu ndi funt erribaus norantacincu, ma castiendu su tempus bellu e su mari trancuillu si pensat chi non funt acabaus de erribai e s’aspetant atras barcas. Funt cuasi totu ominis mannus ma finas duas feminas e unu piciocheddu e totus funt de natzionalidadi algerina. Po podir gestiri cusata situatzioni funt erribaus is carabineris de sa cumpangia de Carbonia e su Politzia puru chi ant acumpangiau is migrantis in su centru de identificatzioni de Murasteni
