Dd’ant cundennau a prus de su dopiu de sa prima borta a Oscar Pistorius po airi bociu sa sposa Reeva Steenkamp in su friargiu de su 2013.
Sa prus arta corti de su Sudafrica dd’at donau trexi annus e cincu mesis de presoni. Pistorius non fut in aula po s’apellu ma ddue funt is familiaris de sa picioca morta chi ant nau: “Custu mengianu si podit nai ca est fata giustissia, ma nosu eus tentu sempiri fiducia manna”.
Reeva fut morta su mengianu de Santu Valenti in su2013 insa domu sua de Pretoria. Bocia de cuatru corpus de pistola chi funt intradas de sa porta de su bagnu, serrada. Pistorius s’est sempiri difendiu nendu ca creiat ca in su bagnu ddue fut unu furoni intrau de sa fentana. Pusti is atras sententzias de su 2014 e de su 2015 chi dd’iant cundennau a cincu e a ses annus custa borta su campioni paraolimpicu no dd’at scampada.
