Incidenti de cassa eriseru a mengianu in is montis de Guspini. Tenit cincuantadus annus e bivit in San Nicolò Arcidano su cassadori chi est stetiu atacau de unu sirboni. Ddu ant portau in elicoteru a s’ispidali Brotzu cun su codici orrubiu ma non iat depi tenni problemas de abarrai in vida.
Est ancora totu de biri comenti est sussediu e in ominis de sa Forestali ant obertu is indaginis po biri comenti est andada eriseru a mengianu. Parit chi su cassadori s’agatada cun is amigus sûs e fut batendu po ndi fairi bessiri su sirboni e ddu fairi andai conca a is atrus amigus, candu s’animali dd’at atacau strupiendudeddu a sa camba. Dd’at segau meda e at perdiu meda sanguni, a-i custu puntu is amigus cassadoris ant lamau agiudu et est erribau s’elicoteru de su 118 e is ominis de sa Forestali. Imoi su piciocu s’agatat in s’ispidali e eus a benni a biri in is prossimas dîs comenti at andai.
