Cras, su 19 de Mesi de Idas, in Casteddu a s’Hotel Marina a is noi oras de mesu de mengianu c’at essi un’atobiu “Nuove Cittadinanze e Lavoro. Quali attori sociali sono i protagonisti dell’inclusione?”. Cust’atobiu est promoviu de sa Regioni e intregau a is operadoris chi trabagliant po s’intradura de is imigraus in su mundu de su trabagliu. Is reladoris chi ant essi impignaus funt Marcu Sechi, chi sighit custas chistionis po sa Presidentzia de sa Regioni, Gonaria Carta de is Centri per l’Impiego di Cagliari, Elisabetta Atzeni de s’Agentzia Sarda po is politicas de su trabagliu, Arricardu Rosas de s’assessorau de su Trabagliu e Fideli Perotti, presidenti regionali de Comunità, Impegno, Servizio, Volontariato. In s’atobiu ant essi fatus biri is finalidadis de su progetu FORIMM, finantziau de sa Fundatzioni cun su Sud. Sa finalidadi urtima de totu custu stragassu est cussa de agiuadai is migrantis a s’amesturai meglius in su sociali e in su mundu de su trabagliu. S’atobiu at essi fatu finas in Aristanis su 21 sempiri de custu mesi.
